--- title: "Davolash muddatlari boʻyicha qoʻllanma | Bolalar urologiyasi" description: "Bolalar urologiyasida operatsiya va davolash uchun maqbul yosh: tushmagan moyak, gipospadiya, chov churrasi, gidrotsele va boshqa holatlar." lang: uz url: https://bolalarurologiyasi.com/vositalar/davolash-muddatlari/ --- # Davolash muddatlari boʻyicha qoʻllanma Umumiy tavsiyalar EAU va ESPU klinik tavsiyalariga asoslangan. Farzandingiz uchun muddat koʻrikdan keyin individual belgilanadi. Muallif: [Dr. Parviz Hojiyev](/shifokor/), bolalar urologi (FEAPU). Yangilangan: 2026-yil 3-noyabr. Qidirish - Shoshilinch - Rejali aralashuv - Kuzatish yoki individual qaror Holat Eng maqbul muddat [Moyak buralishi](/kasalliklar/moyak-buralishi/) Darhol: ogʻriq boshlanishi bilan murojaat qiling, har bir soat muhim [Parafimoz](/kasalliklar/parafimoz/) Shoshilinch, darhol [Qisilgan chov churrasi](/kasalliklar/chov-churrasi/) Shoshilinch [Orqa uretra klapani](/kasalliklar/orqa-uretra-klapani/) Shubha boʻlsa, shoshilinch baholash va siydik pufagini drenajlash; klapan ablatsiyasi ahvol barqarorlashgandan keyin [Chov churrasi](/kasalliklar/chov-churrasi/) Tashxisdan keyin qisqa muddatda rejali operatsiya [Tushmagan moyak](/kasalliklar/tushmagan-moyak/) 6 oyligida (chala tugʻilganlarda tuzatilgan yoshga koʻra) tushmagan boʻlsa, yoʻllanma; operatsiya 6–12 oyligida, eng kechi 18 oyligigacha [Gipospadiya](/kasalliklar/gipospadiya/) 6–18 oyligida [Gipospadiya bilan birga uchraydigan jinsiy olat qiyshiqligi](/kasalliklar/jinsiy-olat-qiyshiqligi/) Gipospadiya operatsiyasi vaqtida birga tuzatiladi, odatda 6–18 oyligida [Alohida uchraydigan tugʻma jinsiy olat qiyshiqligi](/kasalliklar/jinsiy-olat-qiyshiqligi/) Operatsiya zarurati funksiyaga taʼsiri va shaxsiy bezovtalikka qarab belgilanadi; muddat individual tanlanadi, koʻpincha bola qaror qabul qilishda ishtirok eta oladigan yoshda [Jinsiy olatning buralishi (torsiya)](/kasalliklar/jinsiy-olat-qiyshiqligi/) Alohida baholanadi; yengil buralish odatda davolashni talab qilmaydi [Moyak istisqosi (gidrotsele)](/kasalliklar/gidrotsele/) Dastlabki 12 oyda kuzatish; oʻtib ketmasa, operatsiya muddati individual belgilanadi (hajmi, taranglik, yondosh churra, moyak holati) [Pieloureteral segment torayishi](/kasalliklar/pieloureteral-segment-torayishi/) Shikoyat boʻlsa, buyrakning differensial funksiyasi 40%dan past boʻlsa yoki oldingi tekshiruvga nisbatan 10 foiz punktidan koʻproq kamaysa, siydik oqib chiqishi yomon boʻlsa yoki kengayish ortib borsa; MAG3/DTPA 4–6 haftalikdan keyin [Megaureter](/kasalliklar/megaureter/) Koʻpchiligi kuzatiladi. Funksiya pasaysa, infeksiya takrorlansa yoki siydik oqishi buzilsa, yoshidan qatʼi nazar aralashuv masalasi koʻriladi; usul va muddat individual tanlanadi [Vezikoureteral reflyuks (VUR)](/kasalliklar/vezikoureteral-reflyuks/) Individual: infeksiyalar, reflyuks darajasi va chandiqlarga qarab [Fimoz (fiziologik)](/kasalliklar/fimoz/) Shikoyat va takroriy siydik yoʻllari infeksiyasi xavfi yuqori boʻlmasa, davolash kerak emas; shikoyat yoki yuqori xavf boʻlsa (masalan, VUR, orqa uretra klapani), davolashni shifokor tanlaydi [Xatna (anʼanaviy)](/operatsiyalar/xatna/) Diniy yoki oilaviy sabab bilan qilinadigan xatna uchun tibbiy jihatdan belgilangan yosh yoʻq, muddat oila bilan birga tanlanadi; tibbiy koʻrsatma boʻyicha xatnada muddat tashxisga bogʻliq [Tungi enurez](/kasalliklar/tungi-enurez/) Budilnik va dori bilan davolash bolaning yoshi va oilaning tayyorligini hisobga olib tanlanadi; 5 yoshdan kichiklarda qoʻllab-quvvatlash, hojatxona odatlari va yondosh shikoyatlarni baholash asosiy oʻrinda turadi [Varikotsele](/kasalliklar/varikotsele/) Oʻsmirlik davrida: moyak oʻsishi orqada qolsa (takroriy oʻlchovda 20%dan yoki 2 ml dan ortiq farq), ogʻriq boʻlsa, ikki tomonlama boʻlsa yoki spermogramma buzilgan boʻlsa [Meatostenoz](/kasalliklar/meatostenoz/) Shikoyat yoki siydik oqimi buzilishi boʻlsa rejali; shikoyat boʻlmasa va oqim normal boʻlsa, operatsiya kerak emas [Labial sinexiya](/kasalliklar/labial-sinexiya/) Faqat shikoyat boʻlsa ## Manbalar 1. [EAU Guidelines on Paediatric Urology, 2026.](https://uroweb.org/guidelines/paediatric-urology) 2. [Radmayr C, Dogan HS, Hoebeke P, et al. Management of undescended testes: European Association of Urology/European Society for Paediatric Urology Guidelines. J Pediatr Urol. 2016;12(6):335–343.](https://pubmed.ncbi.nlm.nih.gov/27687532/) 3. [Kolon TF, Herndon CDA, Baker LA, et al. Evaluation and treatment of cryptorchidism: AUA guideline. J Urol. 2014;192(2):337–345.](https://pubmed.ncbi.nlm.nih.gov/24857650/) 4. [Peters CA, Skoog SJ, Arant BS, et al. Summary of the AUA guideline on management of primary vesicoureteral reflux in children. J Urol. 2010;184(3):1134–1144.](https://pubmed.ncbi.nlm.nih.gov/20650499/) 5. [Nevéus T, Fonseca E, Franco I, et al. Management and treatment of nocturnal enuresis: an updated standardization document from the International Children’s Continence Society. J Pediatr Urol. 2020;16(1):10–19.](https://pubmed.ncbi.nlm.nih.gov/32278657/) --- Maʼlumot ota-onalar va hamkasblar uchun, u shifokor koʻrigining oʻrnini bosmaydi. Shoshilinch holatda 103 raqamiga qoʻngʻiroq qiling.